DEKLARATË E PËLQIMIT TË MIRËINFORMUAR

 

Duke patur parasysh faktin se dëshiroj të shfrytëzoj hapësirën e dhe të marr pjesë në aktivitetet e ofruara dhe të organizuara nga Area 52 Trampoline Parks AD, si franchise me seli dhe adresë të regjistrimit në Sofie, Bullgari por që përfaqësohet në Kosovë nga Entertainment Kosova L.L.C., me numër biznesi 811328005 dhe me adresë Rruga Fehmi Morina, Veternik 5, Prishtinë ("Aktivitetet"), por që gjendet në qendrën tregtare GALERIA Shopping Mall, Prizren (më tutje në tekst “Parku”)

 

Unë, i/e nënshkruari/a pranoj, në mirëbesim dhe pajtohem në emrin tim dhe/ose në emër të të miturit të specifikuar më lart se:

 

1.      I kam lexuar dhe i kuptoj plotësisht Rregullat e sigurisë në Park (ia kam shpjeguar në mënyrë të kuptueshme fëmijës tim Rregullat e sigurisë në Park) dhe pajtohem për sa më poshtë (edhe fëmija im) me këto rregulla gjatë pjesëmarrjes time (të fëmijës tim) në Aktivitete.

 

2.      Konfirmoj se unë (fëmija im) do t’u përmbahem(i) të gjitha udhëzimeve shtesë që do të më jepen kurdo para apo gjatë Aktiviteteve nga Area 52 Trampoline Parks AD apo punonjësit aty.

 

3.      E kuptoj se pjesëmarrja ime (e fëmijës tim) në Aktivitete nënkupton rreziqe të njohura dhe të panjohura që mund të rezultojnë në lëndime fizike ose emocionale, paralizë, vdekje apo dëmtim të pjesëmarrësit apo të palëve të treta apo pronës. Edhe pse rregullat e caktuara, pajisjet dhe disiplina personale mund ta reduktojnë këtë rrezik, rreziku nga vdekja apo lëndimet e rënda ekziston.

 

4.      Konfirmoj se unë (fëmija im) nuk kam (nuk ka) sëmundje apo lëndime, se unë nuk jam (vajza ime nuk është, për aq sa aplikohet) shtatzënë dhe se unë NUK kam [fëmija im NUK ka] asnjë gjendje mjekësore që mund të ndikojë në pjesëmarrjen e sigurtë në Aktivitete apo që mund të rrisë rrezikun për lëndime, përfshirë ndaj të tjerëve. Konfirmoj se unë jam [fëmija im është] mjaftueshëm i aftë fizikisht për të marrë pjesë në mënyrë të sigurtë në Aktivitete.

 

5.      E pranoj dhe pajtohem se jam përgjegjës për veprimet e mia (të fëmijës tim) në përputhje me Rregullat e sigurisë të Area 52 Trampoline Parks AD që të rris në maksimum sigurinë time (të fëmijës tim) dhe sigurinë e të tjerëve rrotull meje (fëmijës tim) ndërkohë që marr pjesë në Aktivitete. E pranoj dhe pajtohem se Aktivitetet mund të ndërmerren pa mbikëqyrjen direkte të Area 52 Trampoline Parks AD dhe/ose punonjësve të vet. Nëse vë re ndonjë rrezik të pazakonshëm dhe/ose të konsiderueshëm gjatë pjesëmarrjes time (dhe të fëmijës tim) në Aktivitete, do ta ndërpres menjëherë pjesëmarrjen time (dhe të fëmijës tim) dhe këtë rrezik do ta sjell në vëmendjen e punonjësit më të afërt të Area 52 Trampoline Parks AD.

 

6.      E pranoj dhe pajtohem se Aktivitetet që ofron Area 52 Trampoline Parks AD kërkojnë shkallë të arsyeshme të gjendjes së mirë dhe aftësisë fizike. E konfirmoj se unë (fëmija im) do të zhvillojmë vetëm ato Aktivitete që janë për nivelin e shkathtësisë time (të fëmijës tim) dhe gjatë të cilave unë (fëmija im) jemi në gjendje të ushtrojmë kontroll gjithë kohën.

 

7.      E konfirmoj se i kuptoj tërësisht rreziqet (që dihen dhe nuk dihen) nga pjesëmarrja në Aktivitete. I marr parasysh lirisht dhe i pranoj këto rreziqe. Marr përsipër plotësisht përgjegjësinë dhe rrezikun për pjesëmarrjen time (dhe të fëmijës tim) (me përjashtim të përgjegjësisë nga e cila Area 52 Trampoline Parks ÀD nuk lejohet me ligj të përjashtohet). Gjithashtu konfirmoj se pjesëmarrja ime (e fëmijës tim) në Aktivitete është vullnetare.

 

8.      Pajtohem për dhënien e ndihmës së parë dhe/ose trajtimit tjetër mjekësor për shpëtim jete nga ana e Area 52 Trampoline Parks AD dhe/ose punonjësve të vet në rast të ndonjë lëndimi apo sëmundjeje tek unë apo fëmija ime. Pajtohem të çliroj dhe dëmshpërblej tërësisht Area 52 Trampoline Parks AD dhe punonjësit e vet nga çdo përgjegjësi apo kërkesë që rrjedh nga ky trajtim deri në shkallën më të madhe që lejohet me ligj.

 

9.      E pranoj se Area 52 Trampoline Parks AD nuk mban dhe nuk do të mbajë asnjë përgjegjësi për çfarëdo lëndimi, dëmtimi dhe/ose humbje që pëson ndonjë person apo pronë dhe që shkaktohet nga unë (fëmija im) në lidhje me dhe/ose që rezulton nga pjesëmarrja ime (e fëmijës tim) në Aktivitete, përfshirë, për incidente që kanë ndodhur si rezultat i dështimit tim (fëmijës tim) për t’iu përmbajtur Rregullave të Sigurisë të Area 52 Trampoline Parks AD, me përjashtim të rasteve kur këto lëndime, dëmtime dhe/ose humbje rezultojnë nga veprime të qëllimshme apo mospërfillje e rëndë nga ana e Area 52 Trampoline Parks AD apo punonjësve dhe/ose agjentëve të vet.

 

10.   Pajtohem plotësisht të zhdëmtoj Area 52 Trampoline Parks AD për të gjitha humbjet, përgjegjësinë, kostot, kërkesat dhe/ose dëmtimet që ata pësojnë dhe që rezultojnë nga pjesëmarrja ime (e fëmijës tim) në Aktivitete.

 

11.   E kuptoj dhe e pranoj se Area 52 Trampoline Parks AD i lejon pjesëmarrit të fotografojnë dhe/ose filmojnë me video familjen dhe/ose miqtë e tyre që marrin pjesë në Aktivitete vetëm për qëllime të tyre private, jokomerciale dhe për asnjë qëllim tjetër.

 

PAJTIMI PËR PËRPUNIMIN E TË DHËNAVE PERSONALE

 

12.   Duke nënshkruar (konfirmuar) këtë Deklaratë, unë i jap pajtimin tim Area 52 Trampoline Parks AD, filialeve të saj dhe/ose nënkontraktorëve që të përpunojnë dhe ruajnë të dhënat personale të miat ose të fëmijës tim (emër, mbiemër, data e lindjes, email, numri i telefonit mobil me synimin për të rezervuar dhe regjistruar pjesëmarrjen time (të fëmijës tim) në Aktivitete, për të dërguar dokumente dhe informacion për pjesëmarrjen time (të fëmijës tim) në Aktivitete, si dhe përmbushjen e të drejtave dhe detyrimeve të tjera për një periudhë prej 12 (dymbëdhjetë) muajsh që nga data e kësaj Deklarate. Jam i informuar se pajtimin tim mund ta tërheq mbrapsht në çdo kohë duke dërguar pa pagesë njoftimin me shkrim tek Area 52 Trampoline Parks AD; mund të kërkoj në çdo kohë informacion të qartë dhe të kuptueshëm, brenda kufijve të arsyeshëm, lidhur me përpunimin e të dhënave personale të mia (të fëmijës tim); për të lexuar më shumë informacion lidhur me përpunimin e të dhënave dhe të drejtat e mia në Politikën e privatësisë si dhe për të kërkuar bashkëpunimin e Area 52 Trampoline Parks AD në këtë drejtim me email info@galeria-ks.com

 

E kam lexuar këtë Deklaratë të Pajtimit të Mirëinformuar, i kuptoj plotësisht kushtet dhe i pranoj ato lirisht dhe vullnetarisht, pa qenë vetë (apo fëmija im) të shtyrë ta bëjmë këtë. 

 

Kjo Deklaratë është e vlefshme për një periudhë 12-mujore që nga data e nënshkrimit dhe vlen për të gjitha vizitat brenda kësaj kohe. Para skadimit të marrëveshjes, pajtohem se Area 52 Trampoline Parks ÀD ka lejen të më kontaktojë për të kërkuar lëshimin e Deklaratës së re.

 

Nëse ka ndryshime në rrethanat e deklarata në këtë Deklaratë (përfshirë, pa kufizime, ndryshime që kanë të bëjnë me gjendjen shëndetësore timen ose të fëmijës tim), marr përsipër të informoj Area 52 Trampoline Parks ÀD para pjesëmarrjes time (të fëmijës tim) në Aktivitete dhe për të lëshuar një Deklaratë të re.

 

[duke shenjuar secilën nga kutizat më poshtë dhe duke shtypur butonin ‘RUAJ’ ju pajtoheni që: (i) jeni detyruar sipas kushteve të Deklaratës së Pajtimit të Mirëinformuar, përfshirë pajtimin për përpunimin e të dhënave personale dhe të konfirmoni saktësinë e rrethanave të deklaruara qoftë në emrin tuaj si prind / kujdestar ligjor i pjesëmarrësit të mitur; (ii) ju (fëmija juaj) të regjsitroheni gjatë pjesëmarrjes në Aktivitete.]

 

□ SHENJONI KUTIZËN – E kam lexuar "Deklaratën e Pajtimit të Mirëinformuar" (përfshirë Rregullat e Sigurisë) dhe i pranoj rregullat dhe kushtet e saj për vete dhe për të miturin e lartpërmendur. Konfirmoj saktësinë e rrethanave të deklaruara.

 

Pajtimi për foto/video

□ SHENJONI KUTIZEN – Pajtohem që Area 52 Trampoline Parks AD dhe/ose punonjësit e saj dhe/ose agjentët të regjsitrojnë imazhin dhe/ose zërim tim (fëmijës tim) (“Regjsitrime”) si pjesë e pjesëmarrjes time (fëmijës tim) në Aktivitete dhe rrjedhimisht që Area 52 Trampoline Parks AD (dhe/ose palët e ndërlidhura) të përdorin Regjistrimet për qëllime të veta të reklamimit dhe promovimit dhe sidomos të publikojnë imazhet/videot në uebfaqe. E pranoj se ky pajtim përfshin të drejtën e pakthyeshme dhe të pakufizuar të Area 52 Trampoline Parks AD për të patur të drejtën e autorit për Regjistrimet dhe aftësinë për të përdorur, modifikuar, riprodhuar apo transmetuar Regjistrimet ashtu si e sheh të përshtatshme pa kompensim të asnjë lloji ndaj meje apo pa patur nevojë miratim të mëtejshëm për atë përdorim dhe gjithnjë në varësi të respektimit të mbrojtjes së të drejtave dhe legjislacionit tjetër të zbatueshëm. Jam në dijeni se mund ta tërheq në çdo kohë pajtimin tim duke dërguar njoftimin me shkrim tek Area 52 Trampoline Parks AD; se mund të kërkoj në çdo kohë informacion të qartë dhe të kuptueshëm brenda kufijve të arsyeshëm lidhur me përpunimin e të dhënave personale të mia (fëmijës tim) dhe për të drejtat e mia/fëmijës tim; se mund të lexoj më shumë informacion lidhur me përpunimin e të dhënave dhe të drejtat e mia në Politikën e privatësisë si dhe të kërkoj bashkëpunimin e Area 52 Trampoline Parks AD në këtë drejtim përmes adresës së postës elektronike info@galeria-ks.com,  dhe se në këto raste nuk do të privohem nga e drejta për të përdorur Aktivitetet.

E kam lexuar "Deklaratën e Pajtimit të Mirëinformuar" (përfshirë Rregullat e Sigurisë) dhe i pranoj rregullat dhe kushtet e saj për vete dhe për të miturin e lartpërmendur. Konfirmoj saktësinë e rrethanave të deklaruara.